Takdang Katapusan

"If life is a journey with a beginning and an end,

then death is the end of the road as it were and

thus can be an adventure."

-Dr. James H. Carson

 

Bangka ng buhay kadalasang lulutang-lutang

Sagwaning mabuti baka biglang tumimbuwang

Masigwa man ang alon, hayo't pumailanlang

Dapat mag-ingat upang 'di madaling mapaslang.

 

Tila tayo isdang pupusag-pusag at kalat-kalat

Maraming napahamak nang sa pai'y kumagat

Araw-araw si Kamatayan ay nalalambat.

 

Landas ng buhay ng tao ay sala-salabat

Kanya-kanya ng landasin, magkakasalungat

Mandirigma tayong kadalasang bumabanat

Kabigua't tagumpay sa atin nagbuubuhat.

 

Tila rin tayo ibong sa hawla nakawala

Ngunit labis-labis paggamit natin ng laya

Pati an kaluluwa natin ay nasasanla

Katubusa;'y kapahamakang 'di masawata.

 

Nasilid ang isp sa aral ng daangtaon

Nilalamon tayo ng bangungot ng kahapon

Sa magulong mundo na puno ng kontradiksyon

Nakagupo pa rin atyo at 'di na makabangon.

 

Pagsilang, ano ba ang tunay mong kahulugan

Kung tila ka hanging umiihip sa kawalan

Saan na papunta, sa kaliwa ba o kanan

O malamig na lupa na lang ittong hahagkan.

 

Kung ang buhay ay isang mahabang paglalakbay

At mayro'ng takdang katapusan lahat ng bagay

'Di ba't dapat magalak, tapos nga'ng paghihintay?

May kapahingahan doon sa kabilang buhay?