Smile

     Kanina ko pa napapansin ang babaeng kaharap ko sa dyip na nakatingin sa akin. Tapos medyo ngingiti ngiti pa.  Parang may gusto siyang sabihin sa akin. Di nga lang niya masabi siguro dahil nahihiya siya. Hindi naman kasi kami magkakilala, e.  Wala naman akong muta. Bago ako umalis ng bahay ay humarap muna ako sa salamin kaya't siguradong wala akong muta. Baka naman shoolmate ko siya dati. Gusto niya akong batiiin pero nag-aalangan siya. Hay, pinag-iisip tuloy ako ng babaeng ito. Baka naman may crush sa akin ang babaeng ito. Iba na talaga ang guwapo, bwahaha. Kunsabagay cute naman ang babae. Okay ang face niya at may dimples pa siya ‘pag ngumingiti. 

     Ano kaya kung ako na lang ang unang kumausap sa kanya? Para naman malaman ko kung bakit siya ngingiti-ngiti sa akin. Oo tama malapit na ako sa aking destinasyon kaya't kailangan ko na siyang kausapin. Nginitian ko rin siya. "Hi Miss". Numiti uli ang babae sa akin. “Hello. E, Kuya bukas ang ziper mo?” Pagtingin ko sa pantalon ko nakangiti nga ang zipper ko at parang dudungaw ang ibon na nakatago roon.