Punas

            Sabik na sabik na siya na mag assist sa tropa niya na isang tattoo artist. Wala naman siyang balak na gayahin ito dahil hindi naman talaga siya marunong mag-tattoo. Kengkoy nga lang ang kanya niyang idrowing. Nawiwili siyang tingnan ang mga disenyong ibinuburda sa kliyente ng kanyang katropa.May mga pagkakataon na naiinggit siya rito lalo na't kapag chicks ang kliyente. Hindi siya naniniwalang walang malisya ang kanyang katropa dahil alam niyang malibog din ito. Ikaw ba naman ang mag-tattoo sa hita, sa tiyan, sa dibdib at sa pigi ng babae ay imposibleng 'di ka tablan? Kahit itanong mo pa sa mga pintor at litratistang ang mga model ay naka-nude. Pero kailangang magpaka-professional ang mga gaya nila at huwag magpahalatang tinitigasan din sila.  Mahirap nang masabihang manyak ng wala sa lugar at baka mawalan pa ng trabaho.

 

          Minsan habang nag-iinuman, sinabi sa kanya ng tattoo artist na isasama niya ito sa pagta-tatto  kapag ang kliyente ay chicks. Wala itong shop kundi sa mismong bahay lang ginagawa at ngayon ay tiyempong nakatambay siya sa bahay ng katropa nang may dumating na isang magandang kolehiya. Narinig niyang magpapalagay ito ng tattoo sa dibdib. 'Yung rosas na paboritong ipatattoo ng kakabaihan. Mistulang tumulo ang kanyang laway sa narinig niyang ito. Binulungan niya ang katropa at nagpresintang gawin siyang tagapunas ng bulak habang nagtatattoo ito. Hindi na importante kung mala-papaya o mala-santol ang kanyang makikita, ang importante ay maging tagapunas siya. Nangako pa siya sa katropa na hindi magiging malikot ang kanyang kamay kumbaga 'no touch' ang kanyang drama.

 

         Pumasok na sa kuwarto ang kolehiyala at ang tattoo artist. Sabik siyang naghihintay na tawagin sa labas. Handang-handa na talaga siya sa kanyang natatanging papel. Sisipul-sipol pa siya habang hawak ang bulak at ang inihanda niyang alkohol. Nai-imagine na niya ang kolehiya na walang damit pang-itaas.  Wala pang isang minuto ay lumabas na ang kanyang katropa. “Ano pare, game na ba?” buong pananabik niyang tanong sa tropa. “P're, dito ka na lang sa labas ayaw ng babae, eh.” Bitin na bitin siyang tinalikuran ng kanyang katropa at napansin niyang grabe ang kanyang pawis at kailangan niyang punasan.