Pusong Madaya

Bakit nga ba may damdaming bumabalong

Na 'di mapigil sa sandaling dumadaluyong

Lumiligwak sa puso kaya't ttumitilapon

Bumubulong, nagtatanong, ang hanap ay tugon.

 

May mga bagay na 'di ko lubos maunawa

Kabaliwan ma'y itinuturing na hiwaga

Gayung sarili mismo ang nauupasala

Maligaya pa rin kahitt na nakakawawa.

 

Ang puso nga ba nati'y tunay na madaya

Kapag nag-iisa ikaw ay nangungulila

Kapag mayroon na, nagnanaiss nang lumaya

Animo'y waalgn katiyakan sa nadarama.

 

May mga pusong suriin mo't napakabuway

Madaling magpalit ng kanilang anyo't kulay

Masdan mo, mga nanlalamig at nanamlay

Mahirap matagpuan ang pag-ibig na tunay.

 

Ba't may taong bumabalik pa s nakaraan

Dating damdamin pilit pang inaalayan

Gayung may nagmamahal na nasa tabi lamang

Parang may kahating nananahan sa isipan.

 

Sadyang maraming tao na 'di nagiging tapat

Pakunwaring pag-ibig na 'di kapat-dapat

Ba't may mga ganito na sa mundo'y nagkalat?

Tulad n sinta kong binalewala ang lahat.