Di ko Mailarawan

Tila ka tanawing walang singganda

Lulundo-lundong ulap sa mga mata

Bawat sandali ay nais makita.

 

Sa tuwing mga mata'y ipipikit

Larawan mo pa rin ay nakaukit

Nakadikit na parang pagkit.

 

'Di ko mailarawan tunay mong anyo

'Pagkat sa dibdib mo'y mayroong nakatago

Na bigla na lamang bumugso,

Ang nilalaman ng iyong puso

Kung saan pag-ibig nati'y nagtatagpo.

 

Ikaw ang lahat ng magagandang bagay

na kaibig-ibig

Kaya't sa 'yo lamang laan bawat kurap,

bawat titig

Ikaw na pinakamagandang larawan

sa buong daigdig!